Stuntwoman thih vangin Deadpool 2 an buai

Deadpool 2 buatsaih mek a ni a, amaherawhchu an channaah stuntwoman pakhat a chesual a, a nun hial a chân tak avangin Deadpool 2 an buai mek.

Thawhṭanni khan Marvel movie tur hi Vancouver, Canada-ah chan a ni a, hetah hian stuntwoman hian bike a khalh a, a chesual a, a thih phah ta a ni; stuntwoman hming leh nihna hi tarlan a ni lo. Deadpool changtu Ryan Reynolds chuan an thawhpui an chân ta chu hrehawm a ti hle a, khawhar chhungte a tuarpui thu a thawn. Deadpool 2 hi nakkum June 1-a tih­chhuah tura ruahman kha a ni.