Scientist-te'n kan solar system-ah Interstellar Asteroid hmu chhuak

Scientist-te chuan zirchianna an neih aṭangin kan solar system-ah interstellar asteroid eng emaw zat(kan solar system-a insiam ni lo) an hmu chhuak. 

Interstellar asteroid hmuh chhuah tharte hi kum tluklehdingawn chuang liam taa arsi dangin kan solar system a rawn thlen niin an ring a, kan solar system-ah hian Ni(sun) lo hel ve rengin, kan 'stellar world' pawna aṭanga lokal a ni tih hriat a ni ngai lo.

Royal Astronomical Society Monthly Notices-a zirchianna tlangzarhah Dr Fathi Namouni leh Dr Maria Helena Morais-te chuan heng asteroid-te kan solar system-a a lo awm theih dan kawng hrang hrang hi an chhut a, chuta ṭanga a lan dan chuan kan solar system bial chhung pawn deuh aṭangin Ni an lo hel ve a ni. Planet leh asteroid dangte Ni hel zawng thoa hel vein, kan solar system-a insiam erawh a nih lo tih an hre thei thung. Interstellar medium-in a hip vanga kan Ni rawn hel veah an ngai. 

Mithiamte hian Interstellar Asteroid an hmuh chhuah vawi khatna erawh a ni lo a, kum 2017 khan kan solar system paltlanga 'stellar world' dang pawh an lo hmu tawh a, cigar nena pianhmang inang deuh niin a hmingah 'Oumuamua' an vuah a, mahse kan solar system-ah a cham ve lo.