Chris Evans-in board games khelhpuiah a fan-te sawm

American actor, Captain America actor Chris Evans chu a fan-te chu board games khelh puiah a sawm.

Covid-19 vanga inlama tawmimte tan, Evans chuan a fan-te chu board games khelhpuiah a sawm a, Avengers-a a chanpuite Scarlett Johansson, Mark Ruffalo, Robert Downey Jr, Chris Hemsworth leh Jeremy Renner-te pawh khelh­pui theihna remchang a awm dawn tih a sawi bawk.

Evans board game khelhpuitu zinga amah hnehtu pakhat leh midang vannei thlanchhuah pa­hnihte chuan Avengers star-te minute 40 chhung 'virtual hangout' an neih pui thei dawn a ni. Minute 20 chhung chu board game an khelhpui ang a, minute 20 dang leh chu Q&A session an hmanpui ang.

He mi aṭanga an sum hmuh chhuahte chu Co­vid-19 hri leng vanga har­satna tawkte ṭanpui­na atan hman tum a ni a, Feeding America, Meals On Wheels, World Central Kitchen leh No Kid Hungry-ah pawisa hi an chhunglut dawn a ni.