KHIANGTE CONSTRUCTION ṬHAZUAL GOSPEL ; Fall Profane 'A Khawngaihna Angchhungah' pakhatna

Khiangte Construction Ṭhazual Gospel chart-ah Gospel band Fall Profane chu pakhatna niin 'A Khawngaihna Angchhungah' chu pakhatna an nihpui.

Vesper, Tpa, Freddy Chenkual leh Zta Khawlhring-te hian July thla tawp lamah khan 'A Khawngaihna Angchhungah' hi an tichhuak a, chart-ah rawn lang nghal thuaiin hma an sawn chho zel a, chart hmasa lamah khan pathumna niin tunah chuan pakhatna hial an rawn ni ta. An hla thu a ṭhat bakah an music arrangement a felfai a, ngaihthlak a nuam bawk a, chuvang chuan pakhatna an ni pawh hi an phu hle. Chart lehah pakhatna an la nih chhunzawm thei dawn em tih pawh hriat a chakawm tawh viau.

Thawhlehnaniropuia chuan a hla thar 'Mangang aurawl' chu pahnihna a rawn nihpui ta a, ani pawh hi a dinhmun a ṭha sawt viau a, pakhatna a nih ngei pawh a rinawm. Pathumna chu Benjamin & Isaac 'Engmah ka hlau tawh lawng' kha a ni a, anni pawh hian hma an sawn chak hle a ni.

The Illusionist leh Lalthansangi-te chu top 5-ah lang bawkin Sangtei Hmar, R Lalbiaksanga & K Vanlallawmi, Sailo Lalsangzuali-te bakah Faktu ft. Maruati-te pawh top 10-ah hian an lang a ni.