Ozzy Osbourne: Kum li dawn hnuah US-ah inlan dawn

British singer Ozzy Osbourne chuan kum li dawn US-a show a neih tawh loh hnuah Los Angeles Rams' half-time show, SoFi Stadium, Inglewood, California-a neih turah September 8 hian a inlan dawn a, NFL season thar a kick off dawn a ni.

Parkinson natna vang leh a hnungzang lamah harsatna a neih avanga hun eng emaw chen a inlan loh hnuah Ozzy hi mipui hmaah a inlan leh zeuh zeuh tawh a, Commonwealth Games kharna inkhawmah pawh Black Sabbath-a a ṭhianpa Tony Iommi nen an inlan duh tawh nghe nghe a nih kha.

Rams leh Buffalo Bills inkhelh chawlhlawk laia a zaina turah hian a hla ṭhenkhat a medley dawn niin an sawi a, US-a a inlan tukah hian album thar 'Patient Number 9' chu a tlangzarah dawn bawk a ni.

November 2019 khan Post Malone leh Travis Scott-te nen AMA Awards-ah an inlan hoa, chumi hnuah chuan US-ah hian show a nei tawh lo a, Ningani hian a nei ve leh dawn ta chiah a ni.