Nevermind album cover thubuaiah Nirvana-te'n thiam chang

Nirvana-in kum 1991-a an album tihchhuah Nevermind chungchanga thubuai an neih chu Los Angeles Judge-te chuan thutlukna siamin, Nirvana chuan thiam an chang.

Kum 31 mi Spencer Elden chuan Nirvana album cover-a a nautet lai saruak thlalak hman a ni chu 'child sexual abuse' nia sawiin Nirvana lakah hian thubuai a thehlut a, mahse judge chuan chutianga puha inchhal tur chuan thubuai a thehlut tlai tawh lutuk a ni, a ti.

Nevermind hi Nirvana studio album pahnihna niin an hla lar tak mai 'Smells Like Teen Spirit' awmna album kha a ni a, an tihchhuah karah copy nuai thum lai an hralh a, US Billboard 200 chart-ahte pawh pakhatna an nihpui zak zak tawh a ni.