Janet Jackson biopic siam dawn

Zaithiam leh lam thiam Janet Jackson chanchin chu film-a siam tum a nih thu The Jasmine Brand chuan a tarlang.

Kum 53 mi Janet biopic hi kumin kumtir lam khan a chandan tur ruahmanna siam fel tawh a ni a, changtur pawh audition an nei fel tawh. Mahse Covid-19 hri leng vanga chhunzawm theih a ni rih lo.

February thla khan R&B singer Janet hian a studio album 12-na tur Black Diamond chu tih chhuah a tum thu leh, he album puala tour neih a tum thu a sawi a, mahse hrileng vangin a ruahmannate hi a hlawhtling rih lo a ni.

Janet Jackson hi kum 1976-a variety television series The Jacksons aṭanga rawn lar chho ṭan a ni a, Jackson family-a naupang ber a ni.