Metallica-in version dangin 'Blackened' an sa

Metallica chuan an in aṭangin an hla 'Blackened' an perform a, mahse version hmasa ang a nih lo thung.

An in ṭheuh aṭanga an hla an perform hi YouTube lamah pawh hmuh tur a awm a, Inrinni khan tichhuakin an fan-te a barakhaih hle. 

Salesforce CEO Marc Benioff nen twitter-a an inbiaknaah Metallica drummer Lars Ulrich chuan inkhung hran chhung hian an band chuan album thar tura mi hla an buaipui ṭan niin a lo sawi tawh bawk a, an fan-te tan chanchin lawmawm an neih thuai a rinawm.

'Blackened' hi Metallica studio album palina, kum 1988-a an tihchhuah 'And Justice for All'-a mi kha a ni a, single-in an tichhuak lo a ni. 'And Justice for All' hi a hunlai khan an album dang ang bawkin a hawlhtling hle a, ram hrang hrang chart-ah top 10 a hauh pha a, Finnish Album chart-ah phei chuan No.1 a ni hial. US Billboard 200 chart-ah No. 6 te pawh lo ni tawhin UK Albums Chart-ah phei chuan No. 4 a thleng phak.

Tun ṭuma an sak dan version hi chu a bengchheng zawngin a ni lo a, version hmasa ang lo takin James Hetfield chuan acoustic guitar a perh a, a zai pawh a hmasa angin a pawr lo a, dam dapin an sa a ni ber mai.