Daniel Craig-a’n thutlukna a la siam lo

James Bond film 25-na siam leh turah chanchinbu ṭhenkhat chuan Daniel Craig chu chang leh ngei tur anga an tarlan lai leh, hetiang vel thuthang a tam em em laiin Daniel Craig a rawn ṭawng chhuak ve ta a, thil a chiang kuar e. James Bond chang leh turin Craig hian thutlukna a la siam lo.

James Bond movie 25-na tur an buaipui a, an tihchhuah hun turte an ruahman ut tawh laiin Daniel Craig chuan he film chang tur hian thutlukna engmah a la siam lo a, engmah sawi chian theih a la ni lo a ti. Sum leh pai avanga changa chang lo tur lam a ni lo tih a sawi a, sum duh vanga chang lo, a aia sang phut vang anga sawi phei chu thu puarpawleng mai mai a ni a ti.

Daniel Craig hi kum 2006-a ‘Casino Royale’ aṭang khan James Bond film-ah kan hmu ṭan a, kum 2008 khan ‘Quantum of Solace’ a chang leh a, kum 2012-ah ‘Skyfall’ changin, kum 2015-a tihchhuah ‘Spectre’ kha a chan hnuhnun ber a ni.