MDM-in Royalty Rs. 5,01,717 sem chhuak

Music Domain Mizoram chuan kar hmasa khan an member zaithiamte hnenah YouTube Royalty an sem a, an sum sem chhuah zawng zawng belhkhawm chu Rs. 5,01,717 lai a ni.

Rebecca Lallawmsangi chuan royalty hi dawng tam berin Rs 43,845 a dawng a, Zaii Hauchhum chuan Rs. 28,356 dawngin Marina V Varte chuan Rs. 23,071 a dawng bawk. Anni bakah hian cheng singkhat dawng tling mi panga an awm bawk a, chungte chu- Jenny Jathang, R. Lalruatkima, Sailo Lalsangzuali, Maruati leh Keimah Senes ft. Tlumtea x Lil Me-te an ni.

MDM YouTube channel hi January 16, 2017-a siam ṭan kha niin tunah hian subscriber 592k an nei tling tawh a, an channel-a an video dah ho thlirtu zat belhkhawm chu 1,78,886,320 lai a ni tawh nghe nghe.

Royalty dawng tam zualte:-
1 Rebecca Lallawmsangi Rs. 43,845
2 Zaii Hauchhum Rs. 28,356
3 Marina V. Varte Rs. 23,071