Immortals Army te Changwon-ah perform dawn

Mizoram aiawha India ram pum K-Pop contest-a tela pakhatna ni thei, Immortals Army chu Changwon-a perform nghal tur an ni a, hemi atan hian an inbuatsaih mek.

Changwon-ah hian Korea rama music festival ropui berte zinga mi a awm dawn a, hetah hian Immortals Army te hi an inlan dawn. India-a K-Pop contest-a dance category-a pakhatna an nih avangin Korea ram hi kal tur an ni hrim hrim a, Changwon-a perform tur hian a bik deuh thlan an ni a, chung zingah chuan Immortals Army te hi an tel.

Changwon-a music festival awm turah hian khawvel ram 88 aṭangin perform tur hi 12 chauh thlan chhuah an ni a, Immortals Army hi he festival-a India aṭanga perform hmasa ber tur an ni. Sept. 19 hian India an chhuahsan ang a, Sept. 20-ah Korea an thleng ang.