Girls Generation leh SM Entertainment inbe mek

Girls’ Generation chuan kum 10 an tlin an lawm mek piah lam bakah tunah hian SM Entertainment nen an inbe leh mek niin an sawi.

Girls’ Generation hi SM Entertainment hnuaia siam an ni a, an kal leh zel dan tur velte SM Entertainment nen hian sawiin, SM Entertainment hnuaia an contract pawh ziah thar leh chungchangah an inbia a ni. Group ang tawpa contract hi sawi thar leh ni loin, group member mal mal ang a nih hmel.

SM Entertainment chuan inbiakna an neih mek thu hi an sawi a, SM Entertainment chuan Girls Generation member ṭhenkhat hi chuan an contract an tithar leh tawh a, ṭhenkhat nen inbiakna neih mek a ni a ti. Thil danglam a awm ang em tih erawh sawi a harsa rih. Girls Generation ang hian an la kal zel dawn nge, group hrang hrangah an pawt darh ang e, solo-in an kal ang tih a la sawi theih loh a, eng pawh thleng thei a ni thung.

Hetihlai hian an member zinga mi Tifanny chuan South Korea a chhuahsan thung. Tifanny hian lemchan lam luhchilh thuk a tum a ni mai thei, acting lam a zir dawn tih a sawi. A zirna hmun tur hi US chu a ni ngei a, US-a khawi hmun berah nge tih erawh a sawi lang lo thung.