UPSC Challenge Inter College Quiz Competition 2022 Zanin aṭangin Quarter final

MSU buatsaih UPSC Challenge Inter College Quiz Competition 2022 chu August 25, 2022 zan aṭang khan Ignite Studio Khatlaah neih a ni a, he intihsiaknaah hian Mizoram chhunga district 10 aṭangin College 22 telin zanin leh naktuk zan hian Quarter final neih a ni dawn.

First Round intihsiakna chu August 25-30 chhung khan neih niin, point hmu sang team 16-te'n September 1-6 chhung khan Second Round (Round of 16) intihsiakna an nei chhunzawm leh nghal a, point hmu sang team pariatte'n Quarter Final an lut ta a ni.

Quarter Final hi zanin leh naktuk zan hian Ignite Studio Khatlaah neih chhunzawm tur a ni dawn a, point hmusang team (college) palite'n Semi Final an lut ang.

Semi Final hi September 12 zanah neih tur niin, September 14 zanah final tur a ni ang. Zonet Bawhbel, LPS 10 leh Ignite Studio YouTube channel aṭangtein live-a pek chhuah thin a ni.

Quarter Finalist-te leh Round of 16 an point hmuh zat:-
1 Govt. Hrangbanna College - 70
2 Govt. T Romana College - 65
3 Govt. Aizawl College - 60
4. Govt. Zirtiri Residential Science College - 55
5. Govt. Serchhip College - 50
6. Govt Mizoram Law College - 45
7. Govt. Khawzawl College - 45
8. Govt. Saiha College - 40