DJ Lalvenhimi 'Chuai' ti mah se a chuai lo

Tunlai lengzem huang chhunga hmeichhe zaithiam kan neih ṭhat berte zinga mi DJ Lalvenhimi chu Hontrade International Ṭhazual chart-ah pakhatna a rawn luah a, kumin chhunga pakhatna a luah vawi khatna a ni.

‘Ka tan i chuai’ tih hla hi Mizorama music video siam tawha LED screen hmanna hmasa ber a ni a, a music video an uluk a, amah a zaithiam bawk a, pakhatna a luah hi a mak lo. Tin, DJI hi chart topper tih theih tura hlawhtling a ni. Kum 2013 April 29-a ‘Ka chan hi’ tih hla hmanga pakhatna a rawn luah hnuah DJI hi chart-ah pakhatna a luah chho ta mawlh mawlh a ni ber.

Tuna a hla hi July 10-a chart tihchhuahah khan paruknaah kan hmu ṭan a, hemi dawt lehah hian pathumnaah a kai chho nghal. August thla kan chuankai khan pa­hnihnaah a chho a, tunah pakhatna a luah ta a ni.

A hmaa pakhatna luahtu Zorinzuali ft. 135 ‘Ka ngaidam che’ tih chu pahnihnaah a chhuk thla a, Janet-i hla thar ‘I luah zo ngei’ chu pathumnaah a rawn kai. Top 10 aṭangin Mathlenga hla ‘Zawlkhaw dingdi’ chu a chhuak a, top 10-ah hian F. Zomuanpuia hla ‘Ka thai mampui’ tih chu 10-naah a rawn lang thar thung.

Hontrade Ṭhazual Lengzem

1 DJ Lalvenhimi - Ka tan i chuai

2 Zorinzuali Khiangte feat 135

- Ka ngaidam che

3 Janet - I luah zo ngei e

4 Manuna - Duhaisam

5 Zorinzuali Khiangte

- Lunglen a na

6 Thiamchantira - Kir an rel lo

7 7th String - Mizoram

8 Mathlanga - Di ngaih

9 Malsawmtluanga

- Ka star number one

10 F. Zomuanpuia

- Ka thai mampui