Kesha hlawhtlinna a lawmawm

Kesha chuan khawvel­in a nghahhlelh album thar a tichhuak ta a, a album hi Billboard 200 chart-ah pakhatna a luah nghal. Harsatna tam tak kara a buatsaih a ni a, chuvang chuan a hlawhtlinna hi zaithiam dang tam tak pawhin an lawmpui.

Kemosabe Records-a an hotu, Dr. Luke nena thubuai an neih zawng zawng kha khawvel hriat a ni. Dr. Luke hian mawi lo takin khawih a tum ṭhin niin a sawi a, hei vang hian court-ah hun rei tak chhung chu thubuai an khel a ni. Kum 2012-a ‘Warrior’ album a tih­chhuah hnu khan studio album dang a tichhuak leh thei ta lo a, kum nga deuh thaw a kal hnuah a studio album pathumna ‘Warrior’ chu a tichhuak leh thei ta chauh a ni.

Kesha album thar hi Rainbow a ni a, kar liam ta chhung khan copy 116,000 zet a hralh a, heng zinga copy 89,000 hi album pangngai a ni a, a dang zawng chu album tlukpui a ni. He album hi kumina hmeichhe album, chawlhkar khat chhunga hralh hnem ber dawttu a ni a, kar khat chhunga kumina hralh hnem ber chu Katy Perry album ‘Witness’ kha a ni.

‘Rainbow’ hi Kesha chuan nunna thar petu niin a sawi. Harsatna leh buaina a tawh lai aṭanga nun thar a neih theihna hla a dah khawmna a nih avangin he album hi mimal takin a nunah a pawimawh hle niin a lo sawi tawh a ni.

Kendrick Lamar-a album ‘Damn’ chu pakhatna a kai leh hnuah pa­hnihnaah a chhuk thla leh. He album hi kar liam ta chhung khan copy 43,000 a hralh. DJ Khaled album ‘Grateful’ chu pathumnaah awmin, copy 34,000 a hralh belh.

Billboard 200 chart

“Rainbow” - Ke$ha (116,000)

“DAMN.” - Kendrick Lamar (43,000)

“Grateful” - DJ Khaled (34,000)

“American Teen” - Khalid (32,000)

“Federal 3X” - MoneyBagg Yo (30,000)

“Divide (division sign)” - Ed Sheeran (49,000)

“Ctrl” - SZA (27,000)

“Issa Album” - 21 Savage (26,000)

“Evolve” - Imagine Dragons (26,000)

“24K Magic” - Bruno Mars (25,000)