U Got Talent-ah naupang zual inelna tur belh

September thlaa talent neih ṭhat hmanga inelna tur, RinMal Media Group leh Zonet TV Cable Pvt. Ltd. te buatsaih tur UGot Talent-ah naupang zualte tana inelna tur siam belh a ni dawn.

U Got Talent-ah hian zai chi hrang hrang, lâm chi hrang hrang, magic, tricks leh recitation te bakah thiam thil eng pawh neite tan a tel theih. He intihsiaknaah hian naupang zualte telna tur telh belh a ni dawn a, lawmman pawh a hranpaa siam a ni a, intihsiak vawi thum tho an hmachhawn ang.

U Got Talent-a tel duhte tan August thla chhungin form hi lak chhuaha thehluh tur a ni a, inelna hi September thla laihawl vel aṭanga neih theih beisei a ni a, Ignite Studio, Khatlaah intihsiakna hi neih a ni ang.

Pakhatnain Rs. 50,000 a dawng ang a, runners up mi pali tan Rs. 10,000 ṭheuh a ni ang. Naupang zual, Junior Section-ah pakhatnain Rs. 20,000 leh runners up mi pali tan Rs. 5,000 ṭheuh a ni ang. UGot-a prize money sem ral tur hi Rs. 130,000 tur a ni.

Tel duhte tan heng hmunah te hian form a lak chhuah theih: Zonet Office, Zarkawt; The Good Life dawr, Chanmari leh Bazar bus stand bul; Pipi Fashion Millenium Centre ground floor leh Crescendo School of Music, Mission Veng te a ni.