Hitman’s Bodyguard an veng hneh lo

North America khawmual, US leh Canada-ah chuan action comedy, The Hitman’s Bodyguard chu sum lalut hnem ber a ni a, kar tawp chhung khan USD mtd 21.6 zet a lalut.

The Hitman’s Bodyguard film hi Samuel L. Jackson-a channa a ni a, a siamtute beisei aia che ṭha a ni a, a lawmawm hle ang. A siamtute beisei zat chu USD mtd 16 aṭanga 19 vel a lalut thei mai awm mang e, an tih kha a ni. Samuel L. Jackson bakah hian he film-ah hian Ryan Reynolds a chang bawk.

Thlahrang film Annabelle: Creation chu pahnihnaah a la awm thei a, kar tawp chhung khan USD mtd 15.5 lai a la thawk chhuak. Film thar Logan Lucky chu pathumnaah a awm a, USD mtd 8 a lalut. Kar liam ta chhung khan film chhuak thar awm nual mah se, box office han sawinghing dawt khawpa hlawhtling leh film lian erawh a awm lo.

Box office movie

“The Hitman’s Bodyguard” - $mtd 21.6

“Annabelle: Creation” - $mtd 15.5

“Logan Lucky” - $mtd 8

“Dunkirk” - $mtd 6.7

“The Nut Job 2: Nutty by Nature” - $mtd 5.1

“The Emoji Movie” - $mtd 4.3

“Spider-Man: Homecoming” - $mtd 4.2

“Girls Trip” - $mtd 3.8

“The Dark Tower” - $mtd 3.7

“Wind River” - $mtd 3