Sangkimi Khiangte Hla hlui a rawn kai tho thar leh

Ṭhazual chart-ah pawh pakhatna lo luah tawh, chart-a top 10-ah pawh kan hmuh fo, Sangkimi Khiangte chuan hla hlui rawn tuaithar lehin, music video a peih. He a music video thar hi 'RM i hmangaihna' tih hla kha a ni.

Sangkimi Khiangte hla thar 'RM i hmangaihna' tih hla hi F. Lalnunfima, zaithiam leh hla phuah thiam fam ta phuah kha a ni a, mi tam tak chuan kan hria ang. Hla hlui, tunhmaa Mizotena kan sakpui nasat ṭhin ngei mai kha Sangkimi Khiangte hian a rawn tharthawh leh a ni.

Video pawh ti chei chuai a ni lem lo a, a lunglenthlak thei tur zawnga buatsaih a ni. Sangkimi hian model pawh a hmang lem lo a, lunglen ko chhuak thei tur, chei chuai loh, hmuh hahdam leh en nuam tur a ni; Champhai-ah video hi shot a ni. Music hi PB Lianhminga kutchhuak a ni a, Foster Records-a recording tih a ni a, video hi Puia, Champhai kutchhuak a ni.

Sangkimi chuan, "RM i hmangaihna' hla hi sak nuam ka tih chi, ka sak thiam chi a ni," a ti. "Hla dang sak tur pawh ka hmu nual a, he hla hi 'Hleih ten an dang zo' ang chi kha a ni a, sak nuam ka tih chi tak a ni a, chuvang chuan ka thlang a ni," a ti. A hriselna lam a ziaawm chho tawh a, Sangkimi hian hmachhawp pawh a nei ta nual.

Mizo hla phuah thiam hmasa zinga mi Lalzova hla phuah pawh recording a zo tawh a, video shooting a la hmabak. Hei bakah hian video shooting pawh zawh tawh a nei bawk. Sangkimi hi a hriselna pawh a ṭha chho ta bawk a, music lamah hnuhma min hnutchhiah chho viau dawn a ni.