Billboard Hot 100-ah pakhatnaah Despacito vawi 15

Billboard Hot 100-ah chuan a vawi 15-na atan Despacito hla chu pakhatnaah a awm leh a, he chart-a a zawna pakhatna luah rei ber ni pha turin chawlhkar khat chauh a hmabak ta.

Daddy Yankee, Luis Fonsi leh Justin te sak Despacito hla hi chawlhkar 15 chhung pakhatna a luah hian Billboard Hot 100 chart-a a zawna pakhatna luah rei ber pahnihna a ni ta a, a zawna pakhatna luah rei ber chu Mariah Carey leh Boyz II Men te sak 'One sweet day' kha a ni chawlh­kar 16 chhung pakhatna a luah.

English hla ni lo zinga Billboard Hot 100-a pa­khatna luah rei ber erawh a ni. Despacito hmaa pa­khatna luah rei ber ṭhin chu 'Macarena' hla, Los Del Rio hla kha a ni a, chawlhkar 14 chhung a zawnin pakhatna a luah a, Despacito hian a rawn khum ta a ni.