Mizo Kristian movie thar

KṬP, Kulikawn West Branch te chuan Kristian movie an buatsaih, LBN chu tlangzarh hun an puang fel a, November thlaah an tichhuak ang. LBN film-a thupui ber chu Lalpa Ṭih a ni a, a changtupain tunlai Zoram politics kalphung fuh tawk lo en liam mai theih loh dan vel a ni.

Zonet Cable TV nen inremna neia siam a ni a, a changtupa Tetea hian thil dik loh a duh loh avanga MLA a nihna hial a bansan dante tihlan a ni a, tunlaia kan boruak nen pawh a inhmeh hle. He film director hi Nunna Thar siamtute zinga mi, SVP neitu Siama a ni a, OST pawh ṭha tak siam a ni a, OST hi Praise On 2016-a pakhatna, R. Lalrinmawii chuan a sa. Background music hi The Breeze-a an keyboardist Ronald Sangtea kutchhuak a ni. He film changtu, Kulikawn West hi Kulikawn Hmunthar tia kan hriat ṭhin kha a ni.