EXO-in The War an tichhuak ṭha dawn

EXO fan-te tana thu lawmawm chu an album 'The War' kha an tuam ṭha ang a, September thla hian an tichhuak leh dawn.

'Tuam ṭha' tih hian buai loh tur a nia. EXO hian The War album an tihchhuah tawhah khan track tharte an belh ang a, music te pawh tlem an tidanglam leh dawn a ni mai thei. September engtik niah chiah nge an tihchhuah ang tih erawh nakina an la puan chhuah tur thu an sawi a, hla eng zat nge an dah belh ang tih pawh an la sawi chhuak lo.

The War album hi EXO studio album palina a ni a, July 18-a an tihchhuah kha a ni. He album-ah hian hla pakua a awm a, chung zingah chuan an vawrh lar ber chu 'Ko ko bop' hla a ni. He album hi K-pop album zinga pre-order tam ber a la ni a, physical copy, album pangngai kan tih ang ngawt pawh nuai 8 lai a tling a ni. He album an tihchhuah aṭanga ni 24 chhung lekin copy maktaduai khat chuang an hralh thei.