GOT vangin Emilia Clarke a muhil thei lo

Tunlai khawvela TV serial film sawi hlawh leh chai nasat, Game of Thrones-a a changtunu, Emilia Clarke chuan Game of Thrones season hnuhnung ber a ngaihtuah nasat avangin a muthilh theih loh phah.

Emilia Clarke hi Game of Thrones-ah hian Daenerys Targaryen angin a chang a, a channa hi a hlawhchham ang tih a hlau hle ṭhin. Season hnuhnung ber atan pawn a rilru a hah nghal hle a, mi tam takin a character chan chu chang thiam lo an ti ang a, an sawisel luai luai ang tih a hlauh avangin a muthilh theih loh phah. Amah avangin season hnuhnung ber hi a hlawhchham a hlau a, chuvang chuan a ngaihtuahna pawh a awm mai mai thei lo a ni ber.

Game of Thrones hi season khat dang a la awm dawn tih Entertainment Weekly chuan a tarlang a, hei hi season hnuhnung ber tur a ni ang. Entertainment Weekly-in a tarlan dan chuan Season 8 hi October thla aṭanga chan ṭan tum a ni. He chanchinbuin a sawi dan chuan Season 8-ah hian episode paruk a awm dawn a, engtika tihchhuah tur nge tih erawh sawi theih a la ni lo a ti.