GIG Motors showroom hawng

Nimin chawhma dar 11 khan chief minister Lal Thanhawla chuan GIG Motors showroom thar chu Edenthar Veng, Aizawlah a hawng.

GIG Motors hi Mizorama Maruti Suzuki India Ltd. authorised dealer thar a ni. Showroom hawnnaah hian khuallian, chief minister Lal Thanhawla chuan Mizoten in kan sakin vantlang kawngpui kan nek a, garage neih ngei ngei turah pawh he dan hi mi tam tak chuan engah mah kan ngai lo a ni a ti. 

Chief minister chuan, “Traffic rule engah mah ngai lo ni âwm tak tak kan ṭhahnem hle a, kan traffic police-te hian ka rin aiin man an nei tlem zawk a, accident te pawh hi kan lirthei khalh dan ngaihtuah chuan kan tlem hlein ka hria,” a ti bawk. GIG hi 'God is Great' tihna a ni a, John Lalpeka ta a ni. John-a hian Chief Minister Relief Fund atan Rs. 100,000 (nuai khat) a pe nghal bawk. Showroom hawn ni hian motor 25 hralh chhuah nghal a ni. Motor book duh tan booking hawn nghal a ni.