Mayweather te inhnek hunah Demi Lovato-i’n US hnam hla a sa dawn

Floyd Mayweather leh Conor McGregor te inhnek tur chanchin ngaihnawm deuh deuh a awm chho zel a, an inhnek huna US hnam hla sa turin Demi Lovato pawh an ruat.

Las Vegas-a, T-Mobile Arena-a Mayweather leh Conor McGregor te inhnek turah hian Disney star ṭhin Demi Lovato hi hnam hla sa tura thlan a ni a, ani hi boxing hmuhnawm titu, MMA pawh en peih em em a ni. A hma pawhin mixed martial arts a lo zir tawh ṭhin.