'The Collaboration' film-ah Melissa Barrera

Mexican lemchanthiam leh zaithiam ni bawk Melissa Barrera chu 'The Colloboration' film-ah a chang dawn e.

'In The Heights' leh 'Scream' star hi he film-ah hian Paul Bettany, Jeremy Pope leh Daniel Bruhl-te nen an chang ho dawn a, theatre director leh writer ni bawk Kwame Kwei-Armah chuan a vawi khatna atan feature film a direct tur a ni dawn a, tun thla chhung hian Boston-ah an chang ṭan dawn a ni.

He film hi kum 1984 nipuia thil thleng anga chan tur niin American visual artist lar Andy Warhol leh Jean-Michel Basquiat-te inkara inkungkaihna awm chungchang vel a ni dawn. Andy lemah hian Betanny a chang dawn a, Jean-Michel lemah Pope a chang thung ang.