Sean Kingston ‘Beautiful Girls’ YouTube Billion views club-ah

Kum 2007 chhoa hla lar tak ni ṭhin Sean Kingston ‘Beautiful Girls’ chuan YouTube-ah thlirtu tluklehdingawn a nei tling ve ta.

‘Beautiful Girls’ hian Ningani khan thlirtu tluklehdingawn hi a nei tling a, a tihchhuah aṭanga kum 15 vel zet a liam hnuah he mellung hi a phum ta a ni. YouTube-ah erawh kum 2009 khan a dah chauh thung.

Kum 32 lai ni ve tawh Sean Kingston hian May 26, 2007 khan ‘Beautiful Girls’ hi a tichhuak a, a album hmasa ber, ama hmingchawia a tihchhuah 'Sean Kingston'-a mi niin he album aṭanga a single tihchhuah hmasak ber hi a ni nghe nghe.