TATA Car thar Altroz Aizawlah tlangzarh

National Business Enter­prise- Tata Dealer, Khatla Aizawl chuan nimin khan car thar Altroz The Gold Standard an tlangzarh.

Tlangzarh in­khawm hi Robert Lalhmingthanga,GM chuan kaihruaiin, Lalrin­awma, MV Transport Deputy Director chu khual lian a ni a; ani hian Altroz hi a tlangzarh a ni. He hunah hian Vanlalmuana, infocars chu khual zahawm a ni bawk.

TATA motors trainer Chitrajit Ganguli chuan Altroz hi India-a car him ber a nih thu a sawi. Global New Car-in a him zawng a tehnaah 5 star a pe a tih sawiin, a design, technology a hman, driving dynamics leh a leitute lawmna zawng zawng chu Gold Standard a ni tih a sawi bawk.

Variant panga- XE, XM, XT, XZ leh XZ (O) siam a ni a, khual zahawm Vanlalmuana chuan TATA chu India rama motor siamtu company lian ber an ni tih leh car tlangzarh thar pawh hi Land Rovers design tute design tho a ni tih a sawi.

Altroz hi Petrol leh Diesel engine siam a ni a, Petrol engine hmang hi Rs 5,68,839 aṭanga Rs 8,15,377 inkar niin Diesel engine hi Rs 7,43,470 aṭanga Rs 9,79,735 man inkar a ni thung.