BTS album tur a order lawk theih tawh e

Bangtan Boys chuan poster danglam deuh deuh an tihchhuah hnuah mini-album tihchhuah an tum tih an puang chhuak ta.

BTS album thar tur hi ‘Love yourself ‘Her’ a ni dawn a, vawiin aṭang hian pre-order a theih nghal dawn. He mini-album hi September 18-a tihchhuah tur a ni ang tiin Allkpop chuan a tarlang. Website ṭhenkhat chuan he album hi packaging version pali an siam dawn niin an sawi a, Rap Monster-a phuah hidden track pawh an dah dawn niin an sawi bawk.

Teen Choice Awards-a Choice International Artist Award dawng thei BTS hian tuna album hi US-ah pawh tihchhuah an tum a, a hmain US-ah hian ‘Wings’ album an lo tichhuak tawh bawk. Tuna mi hi US-a an tih­chhuah pahnihna tur a ni.