Damlohna avangin Ariana-i’n concert tur a cancel

Ariana Grande chuan Nilaini zana a concert tur chu a taksa lam chak tawk loh avangin a ṭhulh a, thupha a chawi nghal. Nilaini zan khan Ariana Grande hi Quan khu, Ho Chi Minh City, Vietnam-a concert tur a ni a, mahse a concert tur hi a ṭhulh a, a ṭhulhna chhan hi a hriselna ṭhat tawk loh vangin doctor-in chawl tura a tih vang a nih thu a sawi. Ariana hian Vietnam-a a fan-te hnenah thupha a chawi a, thinlung taka pawi a tih thu sawiin, a doctor-in show nei rih lo tura a tih avanga ṭhulh a ni tih a sawi.