CYMA leh AIE Construction-te'n Thawnthu inphuahsiak an buatsaih
Central Young Mizo Association (CYMA) leh AIE Construction chuan Thawnthu inphuahsiak an buatsaih a, September thla ral hmain a thehluh theih a ni.
Mimal intihsiakna a ni a, mi pakhatin thawnthu pakhat bak a thehluh theih dawn loh a, mahse thawnthu thehluttu tam berna Branch YMA chuan lawmman an dawng ang. Soft Copy emaw hard copy emawin a thehluh thei a, soft copy chu email id mail2cyma@gmail.com-ah emaw whatsapp no 9862376560 / 9774886557 / 9436192263 / 9774391024-ahte hian a thehluh theih bawk. Hard copy chu office hunchhungin CYMA office-ah thehlut tur a ni thung. Kutziak emaw khawl chhut emaw pawm a ni ve ve bawk.
Thawnthu thehluttute aṭang hian a ṭha zual 10 thlan chhuahte thawnthu ziah chu lehkhabua siam a ni dawn a, mipui lei theih turin zawrh chhuah a nih dawn bakah All India Radio, Aizawl kaltlanga theh darh a ni bawk ang. Intihsiakna hian thupui hran a nei dawn lo a, thumal 15,000 aia tam ziah phal a ni lo bawk. Thil tak tak thleng behchhana phuah phal a nih laia mi ziah sa entawn emaw lehlin emaw phal a ni lo.
Lawmman
Pakhatna Rs 70,000
Pahnihna Rs 50,000
Pathumna Rs 30,000
Consolation Prize Rs 3,000
(Top 10 chin)
A thehlut tam ber branch Rs 5,000