Mark Zuckerberg-a'n India-in Facebook a 'ban' a hlau
Facebook CEO Mark Zuckerberg chuan India-in TikTok a 'ban' chuan a timangang hle tih sawiin, Facebook pawh an ban leh mai a hlauhthawn thu a sawi.
The Verge writer Casey Newton sawi dan chuan Zuckerberg hian India-in TikTok a ban hi a la thutak hle tih sawiin, India chuan user makatduai 200 vel zet nei TikTok pawh chhan mumal em em sawilang loa a khap thei a nih chuan security leh privacy front eng emaw vangin Facebook chu an khap ve mai a hlauthawng tih a sawi a ni.
Mark Zukerberg a mangang pawh hi thil awm lo lutuk a ni hran lo a, Facebook hian ram hrang hrang sorkar nen buaina neuh neuh a lo nei fo tawh a, tunah pawh hian national security kaihhnawihah buaina an hmachhawn reng.
"Facebook hi khawvel ram hrang hrang sorkar nen innghirnghona a hmachhawn nual tawh: inthlana inrawlh chungchang te, campaign-na chungchang te, midang huatna thusawina chungchangah te leh thusawi pangngai satliah chungchangahte pawh. Zukerberg hian security chungchang vanga TikTok hman khap a nih chuan Facebook chu awlsam takin an khap ve mai a hlauthawng a ni," tiin Casey chuan a report-ah a ziak.