Gal Gadot ; A duh rêng vangin Miss Universe a ni lo

Gal Gadot chuan Miss Israel-a inlan kha chu a hreh lo a, nakina tu leh fate a neih hunah a chanchin a la hrilh atan a duh a, amah erawh chu Miss Universe ber kher chu nih a duh lo thung. Gadot chuan Miss Universe-a winner kha ni thei dawn pawh nise a duh lo tih a sawi.

Kum 18 mi a nihin Miss Israel-ah a inlan a, Israel aiawhin Miss Universe-ah a inlan zui bawk. Gadot chuan, “Miss Universe nih kha chu ka duh lo tih chiang takin ka sawi thei. Ka tih mi a ni lo. Kum 18 mi lek tan chuan khatiang dinhmunah kha chuan mawhphurhna a sang lutuk a ni,” a ti.

Gadot chuan a chanchin a sawi a, “TV pawh ka en ngai lo a, ‘ball la la, inkhel ang’ tih kha ka thupui chu a ni mai ṭhin. Hmei­chhe naupang fel tak ka ni a, lehkha zir pawh ka peih hle. Hmeichhe naupang dangte tuipui ang chi ka tuipui ve ngai lo a, mipa naupang duh ang chi hian ka mit pawh a la zel. Ser leh hliam hi ka nei reng mai a ni,” a ti.