Carrie Underwood Christmas album September-ah

Country singer Carrie Underwood chuan a Christmas album hmasa ber tur 'My Gift' tih chu September 25-ah tlangzarh a tum.

"Tunah hian nipui la ni mah se ka sawi chhuak lo thei lo a ni, kumin September 25-ah hian ka Christmas album hmasa ber tur 'My Gift' chu tlangzarh hman ka tum. Ka album parukna 'Cry Pretty' puala 'Cry Pretty Tour 360' kan neih chu nikum October 31 khan ka zo thei a, hemi hnu hian ka Christmas album tur atan hian ka hun ka hmang leh a, tunah chuan tlangzarh hun turte pawh ka fan-te hriatah ka sawi chhuak thei ta a ni," tiin a album thar tur chungchang hi a sawi.

Kum 37 mi Carrie hian March 3 khan a lehkhabu 'Find Your Path' tih chu a lo tichhuak tawh a, a lehkhabu vang hian book tour a neih bakah television show hrang hrangahte a inlan bawk a ni.