Lottery-ah pawisa man hnem

Massachusetts State Lottery chuan Nilaini khan Powerball jackpot aṭangin Mavis L. Wancyk chuan USD mtd 758.7 zet a man tih an puang a, US chanchina ṭum khata lottery-a man hnem ber a ni.

Mavis L. Wancyk hi Springfield-a Mercy Medical Center-a thawk a ni a, kum 53 mi a ni. A hnathawhna hmun bul lawk aṭangin Powerball ticket hi a lei a, a ticket lei number hi a lucky number leh a fate pahnih birthday aṭangin a thlang a, a vanneihpui ta a ni. Mavis hian a pawisa man hmang hian eng nge a tih ang tih a la sawi thei lo a, a tih nghal erawh chu a hnathawh lai hi a bansan.

Chhiahah eng emaw zat a pek a ngai dawn a, chuti chung pawh chu nise a la hausa hle dawn tho. Chicago Tribune-in a tarlan dan chuan chhiaha pek ngaite a pek hnuah pawh ram tenau deuh, Micronesia ram te, Palau ramten kum khata an ram pum sum thawh chhuah zat aiin a ngah zawk dawn tho.