Jet Li-a’n stunt thi chhungte hnenah pawisa a pe hnem
The Expandables 2 an chan laia chetsualnaa Jet Li-a stuntman thi ta, Liu Kun chhungte hnenah Jet Li chuan £ nuai 5, India pawisaa Rs. vbch 4.75 zet a pe.
Kum 2011 khan The Expandables 2 film an siam laiin, Jet Li-a stuntman, Kun Liu leh Nuo San te chu ṭhelret lawngah an chuang a, thil a puak a, hetah hian Kun Liu hi a thi a, Nuo San chu na takin a hliam. Nuo San hi darkar nga zet an zai hnuah a dam chhuak leh ta a ni.
Kun Liu-a chhungte hian he chetsualnaa mawhphurtu, Nu Image, Millenium Film leh a dangte lakah thubuai an ziak lut ta a ni. Court chuan he thubuai a ngaihtuah hnuah Kun Liu chhungte hnenah hian £ 19,400 pe turin he chetsualna thlenga mawhphurtute hi a hrem a, Jet Li hian tlem tham a ti deuh a ni ang, pawisa hi a pek belh ta a ni. The Expandables 2 hi kum 2012-a tihchhuah kha a ni.