Khiangte Construction ṬHAZUAL LENGZEM: Pakhatnaah Kimkima x G'nie 'Ka ngai che'

Kimkima x G'nie 'Ka ngai che' tih chuan chak taka hma sawnin, Khiangte Construction Thazual Lengzem chart tharah pakhatna a rawn ni ta. 'Ka ngai che' hi an tihchhuah aṭanga thla khat chuang awrh chauh a la ni a, top artist pahnih an ni bawk a, pakhatnaah an rawn inhlangkai rang hle.

Kimkima official Youtube channel-ah lyrics video dahin, viewer nuai 1.9 chuang an nei tawh. Darbu App-ah official audio hi lei theihin dah a ni bawk.

Chart hmasa lama palina, Pando ft Sammy 'Nang kher' chu pahnihnaah rawn awmin, Lowdy ft Francis 'Dam chhung' chu pathumnaah a rawn inhlangkai ve bawk. Siampuii Ralte 'Ngaihzual nang nen' chu palina niin, panganaah Menphy Ralte ft. Zauzauvi Zote 'Hmangaihna transfer' a awm.

Chart top 10-a lang dang zingah Bethseby Khiangte ft. Manaha 'Ka vantirhkoh' tih loh chu a thar vek an ni. Lowdy 'Ti buaitu', Slickjive 'Rinawmin', Marina V. Varte 'Thal Caan Lilen' leh Feli Fanai, Michelle Varte, Zaii Hauchhum 'Ka tan i mawi' te an rawn lang thar.