'Ropui khawp mai' ticket a lei theih ta

Zephyr Drama 'Ropui khawp mai' chu October 1,2022 hian Dawrpui Multipurpose-ah show a ni dawn a, ticket pawh hralhchhuah ṭan a ni ta. Ticket hi RS Traders, Dawrpui leh My Hamz, Chanmari-ah lei theih a ni.

October 1 zan dar 8-ah live show hi neih a ni dawn a, ticket man hi Rs 500 leh anmahni duhsaktute tan bik, Rs 1,000 man siam a ni. Show neihna turah hian seat a tam theih dawn loh avangin live ngeia en duhte tan ngaihven ran chi a ni ang.

Mi nawlpui tan October 7 aṭangin Runmawi app-ah lei theih a ni ang.

Zephyr Drama club chuan an drama hi hmun zau leh lian zawkah, mi tam zawk en theiha siam chu an chakin an duhdan pawh a ni a, mahse Runmawiah pay per view hmanga Mizoram leh khawvel hmun dang aṭanga an lo thlir theih chu an thlahlelh ve bawk thu an sawi.