Josh Duhamel leh Audra Mari-te innei

Josh Duhamel leh Audra Mari-te chu Inrinni liam ta khan North Dakota-a Olivet Lutheran Church-ah 'tiam tlat e' tiin an innei.

Kum 49 mi Transformer film aṭanga mite hriat lar, Duhamel leh kum 28 mi, Miss World America hlui, Mari-te hi an inkutsuih hnu hian vintage car hmangin khua an fang zui nghal a ni.

Hollywood lemchanthiam leh kum 2016-a Miss World America-te hi kum 2019 aṭang khan an inzui ṭan a ni. Josh Duhamel hi zaithiam lar Fergie pasal hlui a ni. Fergie nen hian kum 2004 aṭang khan an inzui ṭan a, kum 2009 khan an innei a, fapa pakhat an nei hman. Kum 2017 khan awmhrangin, kum 2019 khan an inṭhen fel a ni.