Ariana Grande leh Kali Uchis an thawk dun dawn

Ariana Grande-in film lam buaipuia hun a hman zawh hnuah rimawi khawvel a luhchilh leh dawn.

American zaithiam, Kali Uchis chuan Ariana hian 'Wicked' movie a chan zawh hnaih tawh avangin an pahnih hian studio-ah hun tam zawk an hman chhoh leh theih tawh thu a sawi.

Kali, a hming tak Karly-Marina Loaiza chuan hmabak phurawm tak a nih thu a sawi. Zaithiam pahnihte hian an thawhdunna tur official title leh tihchhuah hun tur erawh an la tarlang lo.

Ariana hi "Wicked' film-ah Glinda the Good Witch lemah a chang dawn a, part hnihah ṭhenin kum 2024 leh 2025-a tihchhuah tura ruahman a ni. May thla khan, Ariana chuan musical movie an zawhfel hma loh chuan rimawi lam hi hawi a tum loh thu a lo tarlang tawh.

Kum 28 mi, Grammy award pawh lo dawng tawh Ariana hian a makeup line R.E.M. Beauty's YouTube channel kaltlangin a fans-te hmaah a thutlukna chungchang hi tarlangin, "Ka hun zawng zawng Glinda tan ka hmang a ni," tiin film chuan a rilru a luah hneh hle.