Cindy Lalthanpuii A tluka mawi an awm lo

Praise On hnua a music video pangngai hmasa ber hi Cindy Lalthanpuii hian a mawipui zel dawn a nih hi. Hontrade Ṭhazual Fakna chart-ah Cindy chu 'A mawi ber' hla hmangin pakhatna a luah leh.

'A mawi ber' tih hla, Cindy hlawhtlinpui mek, pakhatna vawi hnihna atana a luahpui hla hi C. Vanlalvuana lehlin leh, a sak lar hmasak kha a ni. Tlangnuam nula hian he hla, hla lar tawh ngei mai a rawn thlang sak a, chutah a la hlawhtlinpui zui. Hla lar tawh hlawhtlinpui leh tur chuan thil a hautak a, a hmaa awm tawh nen khaikhin a awl fo. Chutiang boruak chu paltlangin, a thiamzia a rawn lantir a ni.

MPL kick Off-a chawimawina an pek, TBC Zaithanpuia chuan pakhatna a rawn hnaih leh tawh hle a, pangana aṭangin pahnihnaah a rawn chuang chhuak. Mizo Idol 2013 Grace Lalchhanhimi pawh 'Rawngbawl tura chhandam' hmangin pasarihna

aṭangin pathumna a rawn thleng der tawh.

Top 10 aṭangin Adonai's Choir hla 'Ka van in' tih chu a tawlh chhuak a, One in Christ hla 'Chhum zin lohna' pawh kan hmu tawh lo bawk. Vohbiki hla 'Fakna sang ber' chu pariatnaah a rawn lang thar a, David Vanlalpeka hla 'Lalpa'n a sawm a che' tih chu 10-naah a rawn lang thar bawk.

Hontrade Ṭhazual Fakna
1 Cindy Lalthanpuii - A mawi ber

2 TBC Zaithanpuia - Min ngaidam rawh

3 Grace Lalchhanhimi - Rawngbawl tura chhandam

4 Temii Sailo - I thiam an hril

5 Amtea - Ka hming a hria

6 Judith - Ka lungawi e

7 Parema Hla - Hmangaihtu Isua

8 Vohbiki - Fakna sang ber

9 Miriam Lalnundiki - Kan Lalpa

10 David Vanlalpeka - Lalpa'n a sawm a che