MTV VMA Host thiam lo Katy Perry!

Pathianni zan khan MTV Video Music Awards 2017 chu sem a ni ta a, award show host-ah Katy Perry hman a ni a, kum dang erawh he show hian a pha lo niin an ngai. Mi tam tak chuan Katy Perry hian a host dan a thothâng a ṭha tawk lo an ti.

MTV VMA bul ṭan nan host Katy Perry chu chung lam aṭangin, thla lâwn kawr nena inthuam apin an rawn khai thla a, mipui chawh hlim a tum viau nain a hlawhchham. Elen DeGeneres te, Bleachers-a an singer, Jack Antonoff te nuih mu a tikeh pha lo. Jack Antonoff phei chuan balhhla a eisan mai mai.

Kendrick Lamar zaiin fak a hlawh hle a, mei alh nen stage a khat chuai chuai mai. Chutihlai chuan Lorde a khaw­ngaihthlak thung. Lorde hi ‘Homemade Dynamite’ sa tur a ni a, stage-ah a inlan a, amah tak erawh chu a zai thei ta lo. Lorde hian a hla hi a play a, amah a lâm ta ringawt a, mi tam takin mak an ti a, mahse Lorde hian chiang takin a chhan a sawi chhuak. Social Media-ah Lorde chuan damlo chung chung­a inlan a ni tih a sawi a, MTV VMA-a a inlan hma hian drip pawh khai ngai khawpin a damlo a, a zai pawh a zai thei lo a, a lâm ta zawk tih a puang.

Zaithiam ber berte fuankhawmna a ni bawk a, zai an ṭha. Kendrick Lamar-a’n bul a ṭan fuh a, Ed Sheeran, Shawn Mendes, Fifth Harmony, Gucci Mane, Miley Cyrus, Demi Lovato tihte an ni. Pink hnenah Video Vanguard Award hlan a ni a, ani hi a zai bawk a, a hla ṭhahnem tak a zawm khawm.

Chart lama a ropui ang bawkin Kendrick Lamar hi award semnaah pawh a ropui. Award panga lai a hawn a, chung zingah chuan Video of the Year pawh a tel a, heng a award dawnte hi a hla ‘Humble’ hlawhtlinna vang a ni ber.

Winner list
Video of the Year: Kendrick Lamar “Humble”
Artist of the Year: Ed Sheeran
Best New Artist: Khalid
Michael Jackson Video Vanguard Award: Pink
Best Pop Video: Fifth Harmony (feat Gucci Mane) “Down”
Best Choreography: Kanye West “Fade”
Song of the Summer: Lil Uzi Vert “XO Tour Llif3”
Best Dance Video: Zedd and Alessia Cara “Stay”
Best Collaboration: Zayn and Taylor Swift “I Don’t Wanna Live Forever”
Best Hip Hop Video: Kendrick Lamar “Humble”
Best Direction: Kendrick Lamar “Humble”
Best Art Direction: Kendrick Lamar “Humble”
Best Visual Effects: Kendrick Lamar”Humble”