UPSC Challenge Inter College Quiz Competition 2022 Zaninah final Saiha College vs. Hrangbana College

Mizo Students Union (MSU) buatsaih, UPSC Challenge Inter College Quiz Competition 2022 chu zanin hian a hmawr an bawk dawn ta.

Hun eng emaw chen inelna kalpui a nih hnuah zanin hian Govt. Saiha College leh Govt. Hrangbana College-te chuan a tawp an khar dawn a,, champion nih tumin heng college pahnih aiawhte hian an tana zawhna chhawp chhuahte chu an chhang dawn a ni.

Thawhṭanni zan khan semi-final match hmasa zawkah Govt Saiha College leh Govt Aizawl College-te intumin Govt Saiha College hian hnehna an chang. Match hnuhnungah Govt Hrangbana College leh Govt Mizoram Law College-te intumin Govt Hrangbana College hian hnehna an chang ve bawk.

MSU buatsaih UPSC Challenge Inter College Quiz Competition 2022 a zawhnate hi UPSC Syllabus behchhana siam a ni a, August 25 aṭanga ṭan niin, Mizoram chhung District 10 aṭangin College 22 laiin intihsiakna hi an bei.

Miss Mizoram 2020 runners up Zomuanpuii Fanai chu quiz master niin hneh takin a kaihruai ṭhin a, Saiha College leh HBC chiah tunah chuan an bang ta.

Zanin dar 8-ah hian final match hi LPS 10, Zonet Bawhbel leh Ignite Studio YouTube Channel-ahte live-a pekchhuah a ni ang.