'The A-Team' star Jack Ging a thi

American lemchan thiam, 'The A-Team'-a General Harlan "Bull" Fulbright lema a chan vanga hriat hlawh tak Jack Ging chu Zirtawpni liam ta khan kum 90 mi niin awmlaiin a thi.

Ging-a nupui Ramona Ging chuan a pasal thih chungchang hi Thawhṭanni khan a puangzar a, a nupui bakah hian a fate pali a thihsan a ni.

Lemchan khawvelah sulhnu a hnutchhiah ṭha hman hle a, TV show eng emaw zatah a inlan bakah film pangaiah pawh a inlan nual a, Clint Eastwood nen pawh film pathum laiah an chang dun nghe nghe. 'Ghost of Dragstrip Hollow', 'Desire in the Dust', 'That Man Bolt', 'Where the Red Fern Grows', leh 'Die Sister, Die!'-te chu a film channa lar zualte a ni.