Billboard 200-ah rock band an rawn lang

Hip-Hop leh R&B chauhin Billboard 200-ah hian hmun an chang sang thei nia a lan laiin, he ngaihdan hi rock band, Brand New chuan an rawn ṭhiat a, Billboard 200 chart-ah pakhatna an rawn luah.

Brand New hian an album thar, Science Fiction hmangin Billboard 200 chart-ah hian pakhatna an rawn luah a, he album hi kar liam ta chhung khan copy 58,000 an hralh. Science Fiction hi kumin chhunga rock band album pakhatna luah thei pathum zinga mi a ni. Arcade Fire chuan a hmain ‘Everything Now’ hmangin pakhatna an lo luah tawh a, Linkin Park chuan ‘One More Night’ hmangin pakhatna hi an lo ṭhut tawh bawk.

Pahnihna luahtu hi Kodak Black album thar ‘Project Baby 2’ a ni a, kar liam ta khan copy 50,000 an hralh. Album pang­ngaia an hralh a tam vak lo a, streaming avangin an dinhmun a kân phah hle. Kodak Black tan he album hi a thlen sanna ber album a ni a, rapper hlawhtling zingah a chhiar ve theih tawh ang.

Kendrick Lamar album ‘DAMN’ chu copy 41,000 hralh­in pathumnaah bawk a awm leh. He album hi Lamar hian copy maktaduai hnih chuang a hralh ta a, RIAA pawhin Double Platinum an pe tawh a ni.

Billboard 200 top 10

“Science Fiction” - Brand New

“Project Baby 2” - Kodak Black (50,000)

“DAMN.” - Kendrick Lamar (41,000)

“The Peace and the Panic” - Neck Deep (32,000)

“Rainbow” - Ke$ha (31,000)

“American Teen” - Khalid (29,000)

“Grateful” - DJ Khaled (27,000)

“Divide (division sign)” - Ed Sheeran (26,000)

“Paranoia: A True Story” - Dave East (26,000)

“Evolve” - Imagine Dragons (25,000)