US Open hawnnaah Shania Twain a zai

Thawhṭanni khan New York khawpuiah grand slam tournament, tennis inelna zinga pawisa tamna ber, US Open chu hawn a ni a, hawnnaah hian zaithiam lar, tunhnaia rawn thar chhuak lehzual Shania Twain a zai. Kumin hi US Open an khelhna, Arthur Ashe Stadium kum 20 tlinna a ni a, chumi lawmna ni pah chuan kum 52 mi country singer lar, Grammy Award pawh panga lai la tawh, Shania Twain hi a zai a ni. Shania Twain hian album a buatsaih mek a, a album hi September thlaa tihchhuah a tum. Kum 2002 aṭang khan Lyme natna a nei a, hei vang hian music pawh hun eng emaw chen chu a buaipui theih loh phah a ni.