Salman Khan-in eitur a sem

Bollywood actor Salman Khan chuan Panvel-a a farmhouse bula chengte hnenah eitur a pe.

Social Media-a a post aṭanga a lan dan chuan Salman Khan hian 'bullock cart' leh tractor eng emaw zatin a farmhouse bula cheng thingtlang khuate ei leh in tur tam tham tak a thawn a ni.

Heng a eitur thawnna tur hian Jacqueline Fernandez, Iulia Vantur, Kamaal Khan, Niketan Madhok leh Waluscha De Sousa-te pawhin an ṭanpui ngei niin a lang. A video post caption-ah heng mite hi mention-in lawmthu a hrilh.

Salman hi a Panvel farmhouse-ah rampuma lockdown vangin a tang mek a, March aṭang khan a awm tawh a ni. A awmna hmun aṭang hian social media kaltlangi hrileng beihna kawnga hmatawnga ṭangte chu vawi eng emaw zat lawmthu a hrilh tawh. 

March-ah khan Federation of Western India Cine Employees (FWICE) hnathawktu 25,000-te ni khat hlawh chu tumsak a lo tiam tawh bawk.