'The Strangers' siam thar leh turah Madelaine Petsch

Kum 2008-a tihchhuah psychological horror film 'The Strangers' chu siam thar leh a ni dawn a, 'Riverdale' actress Madelaine Petsch chu a chang ve dawn tih a chiang.

Lionsgate film thar turah a inlan dawn tih hi Petsch chuan Instagram lamah a tichiang tawh nghe nghe a, Deadline-in a tarlan dan chuan Froy Gutierrez leh Gabriel Basso-te pawh he project-a inrawlh ve tur hian inremna an siampui tawh. Tunah hian Slovakia lamah production pawh an ṭan mek tawh bawk.

Renny Harlin chu director tur niin 'The Strangers' hi a chhunzawm-na dang pahnih pawh an siam dawn niin an sawi a, chung film pathumte chu Harlin hian a direct vek dawn niin an sawi a ni.

CW TV Series 'Riverdale'-a Cheryl Blossom lema a chan avanga hriat hlawh tak Madelaine Petsch hi kum 28 mi ni tawhin August thla khan a channa tho 'Jane' tih chu tlangzarh a ni tawh a, kumin hian a film channa dang 'Hotel for the Holidays' pawh tlangzarh a la ni leh dawn bawk.