One Piece Film Red Nov.-ah US-ah

Crunchyroll chuan November 4 hian US leh Canada-ah khawvela anime lar ber zinga mi One Piece movie thar ‘One Piece Film Red’ chu theatre-a en theih turin a tlangzarh dawn.

Toei Animation leh One Piece creator Eiichiro Oda-te film produce hi Australia leh New Zealand lamah erawh chuan November 3-ah tihchhuah a ni dawn thung a, Austria leh Germany-ahte chuan October 13-ah tlangzarh a ni bawk ang.

He film hi Japan-ah chuan August 6 khan tlangzarh a ni daih tawh a, $maktaduai 93 lai a lalut tawh.