Rise Up New York! headline tur Bon Jovi leh Mariah Carey

Covid-19 dona kawnga sum peipuinna, May 11-a neih tur Rise Up New York!-ah  Mariah Carey leh Bon Jovi-te chu show headliner an ni dawn.

Rise Up New York! hi darkar khat awh tur  a ni a, Tina Frey chuan a host dawn a ni. Retheihna dona kawnga hmalatu pawl Robin Hood leh iHeartMedia ṭangkawp buatsaih programme-ah hian mi lar eng emaw zat an inlan dawn a,  New York City mayor Bill De Blasio leh state governor Andrew Cuomo-te pawh an inlan ang.

Jimmy Fallon, Lin-Manuel Miranda, Robert De Niro, Bette Midler, Barbra Streisand, Jennifer Lopez, Jake Gyllenhaal, Spike Lee leh Eli Manning-te chu inlan tur zingah an hming a ri ring hle a; Billy Joel leh Sting-te pawh an perform dawn a ni.

CNBC chuan an ram huna zan dar 7-ah he programme hi a pechhuak dawn a, New York bikah chuan broadcast station zawng zawngah an pe chhuak dawn bawk.