House of the Dragon: Eps 4-ah entu 5%-in pung

HBO Max series 'House of the Dragon' chu episode 4-ah entu 5%-in an pung niin Variety chuan a tarlang.

Variety chuan Nielsen data aṭangin hemi chungchang hi an puangzar a, Pathianni khan Eps. 4, 'King of the Narrow Sea' chu tihchhuah a ni a, chumi hnu chuan hemi chungchang hi an puangzar a ni.

Game of Thrones prequel series hi HBO Max-a chhuah a nih tirh khan an platform-a series premiere entu tam ber a ni a, maktaduai 10 velin an en angin an chhut. Tunah hi chuan mi maktaduai 30 velin an en tawh angin an chhut a ni. 'House of the Dragon' hi season 2 siam turin ruahmanna an siamfel leh tawh bawk.